الـزيـر جـدي مراقبة عامة
عدد مشاركاتي : 1612 الموقع : In his heart العمل/الترفيه : Nothing رقم العضوٍيه : 2 القسم المفضل لديكِ : خـفـقـات روح تعليق العضوات : مبروك المراقبه تستاهليييييين حياتي
انا دلوعة
**************** نقاطي : 106 السٌّمعَة : 0 تاريخ التسجيل : 18/07/2008
| موضوع: إذا لمـ تهزكـ القصيده فأنت ميت ....! السبت يوليو 19, 2008 9:38 pm | |
| السلااام عليكم ورحمة الله وبركاتة أسعد الله صباحكم بالفل والكــادي وعبير الخُزامى ورائحـة المطـر .. الشـاعر جابر بن هايف العتيبي.. شـاعر وصلت لنا قصائدهـ قبل ات يصل إلينا اسمهـ شـاعر متمكن وقصائدهـ عـذبة .. قد تكون هذه القصيدهـ معروفة لدى الأغلبية .. ولكن حبيت تكون موجودة على صفحات منتدانا .. :واليكم القصيدة كتابية...
اليكم القصيده يـا جماهيـري وهـي خطـره...وخلوا هالرقابه تسجـن الشاعـر وجمهـوره هدوءاً أيها الساده حضـور الحفـل والسهـره...مساء الخير عالصاحي واشوف الناس مخموره انا اسف على الازعاج ولكن طـارت السكـره ...ذكرت اني قبل ساعات اصيل وعزوتي نـوره على فكره....الكرفته عجـزت افكهـا عسـره... ابي واحـد ينزلهـا او أي وحـده ومشكـوره وابي ثوبي.. جيبولي ثوبي الاشهب مع الغتره... قبل والله لاطربقها علـى هالحفـل بحضـوره ولا واحد يتكلـم قبـل مـا اخلـص النشـره... ومن يحكي قسم بالله لا ادوس برجلي حنجوره تراها قفلـت يـا سـادة بـلادي ويـا ستـره ...وهي ما دامها خربت باقـول الليلـه الثـوره انا بحكي من اول يـوم جيـت لدنيتـن قـذره... وتكرم عـن قذارتهـا بيـوت الله ومعمـوره انا مولود في ليلة شتاء مـع بردهـا مطـره ...في خيمه وسط صحراء ما بها سستر ودكتوره انا يا حضرة الساده غريب وضاع من صغـره ...لعن جدي زمانـي بيـن مدهـوره ومهجـوره حملت من الشقا ما لا يطاق وجايكـم بذكـره... ولاني عاجز اتحمل واموت بنفـس مقهـوره وانا ادري يذبح الرجال كثر الصبر فـي قهـره...وعن قهر الرجال المصطفى حـذر ومذكـوره وهم قالوا مفاتيح الفرج للحـي فـي صبـره...وانا اشوف الصبر مفتاح ضاع وزاد طابـوره تعبت ألملم ايامـي بيديـن الهـم والحسـره...تعبت المع البرواز وامسـح غبـره الصـوره تعبت ابوس كف الجوع وخشم الفقر طال عمره...تعبت اكذب على الحاجه واقول الحال ميسوره تعبت احمس من القهوه واحط السمن والتمره...تعبت ودلتـي وحـده وكـل شـوي منثـوره احسب العز بالدله وبيـت النـذل بـه عشـره...دلاله اكثـر الملعـون ومليانـه ومصطـوره انا بحكم البداوه انـزرع فـي داخلـي بـذره...عن علوم المراجل الف بـذره فينـي مبـذوره تربينا على الديـن ونطيـع الله مـع شكـره...تعلمنا نصلي ونحفـظ القـران وكـل سـوره تعلمنا نحـب الضيـف وفينـا الكـرم فطـره...تعلمنـا نقـول الـصـدق لا لـفـه ولا دوره تعلمنا نحلب النوق ونعرف وش هـي البكـره...تعلمنا الضمى وحنـا بايدنـا البيـر محفـوره تعلمنـا وكثيـر الـي تعلمنـاه وش كـثـره...اخذنـا درس بالدنيـا بـلا دفتـر وسـبـوره وانتم يا سكار الحفـل عفـوا ايهـا الزمـره...من هو فيكم عرف قهر الزمان وظلمـه وزوره من هو فيكم وطاه الجوع وذله واصفقه فقـره...من هو فيكم عرف يحتاج للقمه ونشـف زوره من هو فيكم من الضيقه حفر باصابعـه قبـره...من هو فيكم رقد ليله وسط اجسـاد مقبـوره من هو فيكم مشى حافي برمضن كنه الجمـره...من هو فيكم سهر ليل الظلام بـدون اباجـوره من هو فيكم ما طاح الفين مره وسلمت الجره...وانا من قبل اطيح وجرتي بيدينـي مكسـوره لكم الماء والوجه الحسن والمـال والخضـره...ولنا حنا الضمى والجوع وفقر وشيفتن عـوره ولا مره حظي ضحك بوجهـي واشكـره مـره...وغيري مبتسم حظه وكـل ايامـه مسـروره كتبت الشعر من صغري وبيوتي ما بها كسـره...وانتم تبرزون الـي كتـب بيتيـن مكسـوره انا يا حضرة الساده فقيرن ما اغتنـى بشعـره...مدام المومس الي تشري الاشعـار مشهـوره وانا يا حضرة الساده هنا الليله وعلـى فكـره...ترى هالبدله مسروقه ورجلي بجزمه محشوره ولكن قلت ابحضر هالحفل والعمـر باختصـره...وابي ابدع معاكم وسط ليله انـس ومحـذوره واذا كانت رجولتكـم بكاسـة ثلـج والخمـره...انا بشرب بدون الكاس وثلجه الـف قـاروره ابويه قال لـي مـره دسـم شاربـك بالغبـره...ما يدري بالشنب محلوق وجابر فاقد شعـوره انا بامشي مـدام الليـل ودع وابتـدى فجـره...باروح ارد هالبدله علـى هالمعـلاق مـزروره وانا ادري يا كلاب الحفل اني بالسجـن بكـره...مدام الليله جبت العيد بهذا الحفـل وحضـوره | |
|
ج ـنون آنثىى مؤسسة المنتدى
عدد مشاركاتي : 2533 الموقع : قلب آعضآء بقايا روٍح العمل/الترفيه : في خدٍمهـ فراشتنـآ الغآاليآتـ المزاج : كووولـ رقم العضوٍيه : 1 القسم المفضل لديكِ : جميع الأقسام بدوٍن أستثنـاء ^_^ تعليق العضوات : الله يخليكي لناا يااحلى وارووع واطيب مديره احبك في الله
انا دلـــــــوعة
**************** نقاطي : 592 السٌّمعَة : 3 تاريخ التسجيل : 17/07/2008
| موضوع: رد: إذا لمـ تهزكـ القصيده فأنت ميت ....! الإثنين يوليو 21, 2008 9:01 pm | |
| اوف والله قصيدهـ قويه بالحيييل
صح لسآنكـِ يالغلاٍ
وتسلمين على النقل
يعطيكِ الف عافيه
وٍدي | |
|
الـزيـر جـدي مراقبة عامة
عدد مشاركاتي : 1612 الموقع : In his heart العمل/الترفيه : Nothing رقم العضوٍيه : 2 القسم المفضل لديكِ : خـفـقـات روح تعليق العضوات : مبروك المراقبه تستاهليييييين حياتي
انا دلوعة
**************** نقاطي : 106 السٌّمعَة : 0 تاريخ التسجيل : 18/07/2008
| موضوع: رد: إذا لمـ تهزكـ القصيده فأنت ميت ....! الإثنين يوليو 21, 2008 11:46 pm | |
| صح بدنكـ...
والله يصح لساان شاعرهااا...
مشكووره ع المرور... | |
|