||||[تواعدنا على الجمعه ولاجاني الى الاثنين]||||

قصيده اعجبتني واثرت فيني بنفس الوقت ..
وحبيت تشاركوني هالاعجاب ...
/
\
/
\
/
\

رجع يسأل عن اخباري بعد غيبة سنه وشهرين "
" رجع شايل وجع صدره وقال : ارجوك واسيني

رجع كنه يحسبنّي سعيد بدنيتي أو زين "
" واهو مايدري الدمعه لو إتراخيت تسريني

دمع... / هل الوجع .... / كنه جمع في غيبته جرحين "
" وانا عيني بدت تدمع على حزنه وتبكيني

يقول : الدنيا خانتني وبعدك يافلان سكين "
" ولا احدٍ يافلان غيرك يقدرني ويراعيني

حبيبي .. / ضقت بغيابك , حبيبي .. / حيل انا مسكين "
" وانا جيتك بهالليله وتكفىّ!! لا تخليني !!

وانا........؟ لامن نطق ( تكفى ) عطيته لو طلب هالعين "
" واجود بكل ما يملك خفوقي وتملك ايديني

وقلت : ابشر ... / ولا يهمك ... / تدلل .. / وش تبي يازين "
" تراني فدوة عيونك لوّنك جيت تشقيني

حبيبي...!! لو تبي القمره ..؟!! عطيتك فوقها ثنتين "
" بعد لو تطلب النجمه ابنطق : جيتك... / اضويني

بعد هذا ضحك بعثر همومه سلهم الرمشين "
" وقال الله ياطيب وانا ظنيت ناسيني

صراحه......؟ حيل تحرجني يطيب ياطيب الغالين "
" ولا ادري كيف ابوفيلك حبيبي وانت تعطيني

وحط ايده على صدري وغمز وارخالي الجفنين "
" ياويلي لا ارمشت عينه وحط عيونه بعيني

تعال وعاد دورني بحزتها وشفني وين "
" مابين العين..../ واطراف الشفاة.../ وصدر كاويني

بعد هذا تسامرنا وتواعدنا بعد يومين "
" ووصيته على قلبي واهو مثلي..../ يوصيني

تواعدنا على الجمعه ولا جاني إلى الاثنين "
" وطاف.. / اسبوع .../والثاني وشوقي يشتغل فيني

تصدق عاد يالسامع..؟ ولا جاني إللين اللحين "
" وقبل تسأل عن اسبابه .؟ بجاوب وانت واسيني

لإنه ""مآآآت"" في حااادث و"انا" ((مت)) بغيابه لين "
" عرفت إني كذا ((ببقى)) ولا احدٍ يقوى "يحييني..

تحياتيـ..

حبيبي .. / ضقت بغيابك , حبيبي .. / حيل انا مسكين "
" وانا جيتك بهالليله وتكفىّ!! لا تخليني !!

كتله من المشاعر غمرتينا بها

صح لسان شاعرها
وسلمت يمينك ع النقل..

وينقل لقسم منقولات أدبيه..
تقبلي مروري

صح الله لسآنكـ ولسان من قالهـآ

بجد روعه تسلمين,,

لاهنتي على الاختيارٍ 33158

تسلمين اختياااااار جمييل

مشكووره